Beetroot Kanji: Ghar Ki Traditional Probiotic Drink Gut health Ko improve kare Aur Immunity Boost kare

Health se jude log aaj bhi kanji ko amrit mante hai Aur kanji amrit ki tarah kam bhi karta hai pure digestion ko majbut karta hai. Ager hamara gut health better hai to hamari body bhi acche se kam karti hai kyoki Gut ko humare body ka second mind bhi kaha jata hai. Aur beetroot kanji North Indian probiotic drink sirf taste mein hi nahi, balki health benefits mein bhi super powerful hai.

Beetroot Kanji Kya Hai?

Beetroot Kanji ek naturally fermented drink hai jo beetroot, Yellow mustard seeds aur namak se banayi jaati hai. Yeh drink lohri aur Holi ke aas-paas North India mein kaafi famous hoti hai. Lekin aaj kal yeh beetroot kanji drink bhot se prant mein use me li jati hai kyoki kanji health ke liye bhot jaruri hai.

Gut me good bacteria ko badhati hai jisse Gut flora balance rehta hai. Kanji pet ki health ke liye super drink hai.

beetroot kanji ke liye yeh Ingredients Chahiye:

• 2 medium beetroot – peeled aur thin slices mein cut kiya hua
• 4 cups pani
• 1 tsp rai (crushed yellow mustard seeds)
• 1 tsp kala namak ya normal namak (apne taste ke hisaab se)
• 1 black carrot ya black na hoto Red carrot lein sakte he ager carrot ka season na hoto isse skip kar sakte hai.

Kaise Banaye Beetroot Kanji?

1. Ek clean glass ka jar lein aur usme sliced beetroot (aur carrot, agar use kar rahe ho) daalein.
2. Ab isme pani halka garam boil kiya hua pani daal kar, mustard seeds aur namak mix karein. Namak 2% se 3% use karna hai taki kanji jaldi khrab naho.
3. Jar ko kapde se cover karen (tight lid nahi lagana), aur 3–5 din ke liye dhoop mein rakh dein.
4. Har din ek baar hila lein taaki fermentation barabar ho.
5. Jab taste thoda khatta ho jaye, tab samjho kanji ready hai
6. Chill karke serve karein – aur beetroot slices bhi kha sakte ho!

Health Benefits:

• Probiotic drink: Gut health ke liye excellent hai. Dairy free hai jinko dairy se problem hoti he unke liye best option hai.
• Immunity Boost: Natural fermentation se immunity strong banti hai.
• Detox Drink: Beetroot liver detox mein help karta hai. Acidity or constipation ko dur karti hai.
• Iron Rich: Anaemia se fight karta hai, especially useful for women.

Tips & Tricks:

• Thandi jagah mein fermentation slow hoga; garmiyon mein 2–3 din mein ready ho sakti hai.
• Store fridge mein karein jab fermented ho jaaye.

conclusion:

Beetroot Kanji ek sasta, simple aur super healthy Indian fermented drink hai jo har kisi ko try karni chahiye. Yeh na sirf digestion mein help karta hai, balki immunity bhi naturally boost karta hai – bina kisi artificial probiotic ke. Kanji banana bhot aasan he is liye ise week me 1 ya 2 bar jarur banae.

Toh iss baar, market ke probiotic drinks ko chhodiye aur ghar pe khatti-meethi kanji banaiye. Swasth bhi, swad bhi. Beetroot kanji Acidity, Chronic Gastritis, Ulcer, IBS me aaram lane me help karti hai.