Gastritis Diet: Kya Khaye aur Kya Na Khaye?

Ager aap bhi lambe time se Acidity, Gas, Bloting or nausea ya vomiting jese symptoms ko mehsus ker rahe he to ye Kahin na Kahin chronic Gastritis ke karan ho sakta hai. Chronic gastritis abhi ke time me unhealthy life style or Long time antibiotics ya Painkiller ka sevan karne se Chronic Gastritis ki problem ho sakti hai.

         Agar aap bhi gastritis se pareshaan hain, toh aapke liye sabse important step hai Gastritis Diet ka sahi selection. Iss blog mein hum detail mein discuss karenge ki gastritis ke dauran kya khana chahiye, kya avoid karna chahiye, aur kuch natural remedies jo aapke digestion ko better bana sakti hain.

Gastritis Kya Hota Hai ?

 Gastritis ek esi bimari he jo ki insan ke jivan ko puri tarah aasta vyasta ker sakti hai. Bhot log is samasya se pareshan hai. Ab me Aap ko aasan Language me batata hu ki Gastritis kya hota hai- Hamare pet (Aamashay) me ek mucas Lining hoti hai jo ki Pet me banne vale pitta (Acid ) se hamre aamashay ki Raksha karti hai kisi karan se yeh Mucosa layer Damage ho jae to pet me banne vala Acid sidhe pet ko Nuksan pahuchata hai or us jagha sujan ho jati hai ise hi ham Gastritis kahte hai.

Gastritis symptoms:-

• Pet mein jalan (burning sensation)
• Acidity
• Indigestion
• Nausea
• Vomiting
• Bloating
• Appetite loss
• Weight loss
• Constipation ya kisi kisi ko Diarrhea dekha jata hai
• Truble in sleep

Ab sawal uthta hai ki Gastritis Diet main diet kyo jaruri hai gastritis ek lifestyle disease hain or is liye ise lifestyle modification or proper diet se hi isko cure kiya ja sakta hai ager aap medication le rahe he ya medication pehle le chuke hai tab bhi gastritis me aaram nhi hai to aapko proper diet ki or ek acche guidance ki jarurat hain.or is article Gastritis diet me, main aap ko yahi chiz Step by Step batane vala hu ki aap ko kya khana hai or kya nahi khana hai.

Gastritis Diet Mein Kya Khaye? (Best Foods for Gastritis)

chlo me aap ko bata deta hu ki aap ko gastritis me kya khana chahiye.

1. Banana (Kela)

Banana ek potassium ka bharpur source hai or yeh froot hamari pet ki lining ko repair karne me or acid ko kam kerne me bhot fayde mand hota hain is liye naste me 1 banana jarur add karein.

2. Boiled Vegetables

Boiled ya steamed sabziyan jaise gajar, lauki, tinda beetroot etc. digestion-friendly hoti hain. Inmein fiber hota hai jo ki prebiotics ka accha source hota hai or ye stomach ko irritate nahi karti. Dhyan rahe ager aap ko gastritis hai to aap kacche salad na khae isse bloting ki samasya badh sakti hai.

3. White Rice & Khichdi

White rice easily digest ho jata hai. Khichdi (moong dal + chawal) ek light meal hai jo gastritis ke dauran best hota hai.

4. Oatmeal

Oats fiber-rich hote hain aur pet ko calm karte hain. Yeh slow digestion karte hain jisse acid control mein rehta hai.

5. Low-fat Dahi (Curd)

Curd ya yogurt mein probiotics hote hain jo gut health ke liye acche hote hain. Lekin dhyan rahe ki dahi fresh hona chahiye jada khatta ho to na khae iski jagah aap butter milk ka use kar sakte hai.

6. Coconut Water

Coconut water stomach ko hydrate rakhta hai aur acidity ko reduce karta hai.

7. Herbal Teas (Jaise Chamomile ya Ginger Tea)

Herbal teas inflammation ko kam karti hain aur digestion improve karti hain.

8. Apple (Seb)

Pectin-rich apple digestion mein help karta hai aur stomach lining ko protect karta hai.

Gastritis Diet Mein Kya Avoid Karein? (Foods to Avoid in Gastritis)

Gastritis mein kuch foods aapke symptoms ko aur zyada trigger karte hain. Yeh cheezein avoid karna bahut zaroori hai:

1. Spicy & Fried Food

Teekha jese red chilli or green chilli dono aap ko avoid karni hai.aur deep-fried food gastritis ko heal nhi hone deta hai. Yeh stomach lining ko aur zyada irritate karta hai.

2. Caffeine & Coffee and Tea

Coffee aur Tea other caffeinated drinks acid or gas production badhate hain jo gastritis mein harmful hai.

3. Carbonated Drinks & Alcohol

Cold drinks aur alcohol stomach lining pe direct effect daalte hain. Inka use bilkul band kar dein.

4. Processed & Packaged Foods

Chips, biscuits, instant noodles — sab mein preservatives aur high sodium hota hai jo digestion ke liye harmful hote hain inko life time ke liye Avoid karna hai.

5. Tomatoes & Citrus Fruits

Tomato, orange, painapple jaise acidic fruits acid reflux badhate hain. Inka use limited rakhein ya bilkul na kare.

6. Red Meat or Non-veg :

Non-veg digestion mein time leta hai aur acidity ko badhata hai. Ise bilkul band ker de or vegan jeevan Shaili ko accept karein.

7. Onions & Garlic (Raw)

Raw onions and garlic strong irritants hote hain. Agar aapko gastritis hai toh inhe avoid karein.

Gastritis Diet Ke Liye Daily Routine Plan:-

Morning (8:00 AM)

• 1 glass normal water + 1 banana

Breakfast (9:00 AM)

• Poha with butter milk

Mid-morning (11:30 AM)

• Coconut water + 1 apple

Lunch (1:00 PM)

• Khichdi (moong dal + rice)
• Boiled lauki sabzi
• 1 bowl Fresh dahi

           Or

   . Moong dal chilas with low in coconut oil.

Evening Snack (4:30 PM)

• Papaya slices

Dinner (6.30 PM)

• Soft roti + steamed gajar-tinda sabzi
• Moong dal

Natural Remedies Jo Gastritis Mein helpful Hain

1. Aloe Vera Juice:- Anti-inflammatory properties ke karan aloe vera juice stomach ko soothe karta hai or isme healing properties hoti hai jo ki inflammation ko kam kerne mai helpful hai.
2. Licorice Root (Mulethi)
   Isme anti-ulcer properties hoti hain. Din me 2 bar khane ke bad 5 gram mulethi power le sakte hai. Lekin long term use se pehle doctor se consult karein.
3. Fennel Seeds (Saunf)
   Saunf digestion mein madad karti hai. Aap isse pani mein ubal kar tea ki tarah le sakte hain ya iska power bana ke rakh lain or khan  ke bad aadha chammach lain sakte hain.

Important Tips While Following Gastritis Diet

• Heavy meals se bachein. Din mein 4-5 chhoti meals lein.
• Chew food properly and eat slowly.
• Stress se door rahein — meditation aur yoga karein.
• Smoking bilkul chhod dein.
• Physical activity zaroori hai — halke walk ya yoga helpful hota hai.

Conclusion: Gastritis Diet

Gastritis uncomfortable zaroor hota hai, lekin sahi Gastritis Diet follow karke aap apne symptoms ko control mein rakh sakte hain. Har insan ka body alag hota hai, toh kuch foods aapke liye suitable ho sakte hain jo dusre ke liye nahi. Isliye apne body ka dhyan se observation karein aur diet accordingly adjust karein. Aur agar symptoms zyada severe hain, toh doctor se consult zaroor karein. Agar aapko yeh blog pasand aaya ho, toh apne doston ke saath share karein jinko gastritis ki problem hai. Health tips aur natural remedies ke liye jude rahiye humare saath!

---